名字是隨便想的，這事就發生在幾天前，突然想着想着就寫下來了
突然覺得好像有點文不對題ouo
*內容是一樣的
——————————
我叫周紫希，我喺香港嘅XX中學讀書，印象中應該係Band1尾嘅英中。喺香港讀書，最主要都係喺DSE度攞到5**，然後入大學，攞埋個大學學歷就可以易啲搵工。所以喺我學校嘅大部分老師，唔理中英數通，定係phy chem bio，或者history geog econ，總之都係希望我地可以全部科都攞到4或以上。
我今年讀緊form5，上年全級考100以外……唔係，應該係話由form3開始，全級一百三十幾人，我再冇入過全級100喇。基本上每次考試我淨係得2科合格同埋叫係高分少少——嗰2科就是ICT同英文，其他科都係喺1分至49分之間徘徊，反正就係唔會合格。
喺上年嘅form4學年尾，3科elective入面我drop左中史，淨反ICT同BAFS。Form5學期頭聽同學講話可以攞drop科表，然後試下比唔比drop淨1科elective。
嗰日我放學之後，去左校務處攞表，諗住返到屋企直接比阿媽簽名，返學校再說服BAFS嘅miss應該都唔難嘅……
-
「阿媽，我想drop埋科BAFS得唔得啊？反正我都讀唔明。」我返到屋企之後，食左飯之後就開聲問阿媽。
「唔係話唔得嘅，不過你要讀好其他科喎。」佢咁講完之後就喺parent signature嗰欄度簽左個名，比返張表我填埋其他資料。
第二日我好順利咁得到BAFS個miss嘅簽名，同意我drop科，跟住喺deadline之前交到去負責老師嘅手上，亦都好快收到通知話成功drop到BAFS。
之後我喺唔使上堂嗰陣，我會攞本簿去寫下同人文、拆下想車嘅cos服咁。
好快就到form6嘅DSE，結果都係麻麻地，中文同數學唔使估都知一定fail啦。通識好似都比自己想像中差左少少，結果都係得ICT同英文叫做係可以見得下人。
考完DSE之後，隨便搵左間便利店做full time。
雖然之後嘅生活比較窮、比較辛苦，但係起碼可以搵夠錢，買到想cos嘅服、買到需要嘅布、買到中意嘅goods……
-
可惜現實並唔係咁，我當晚問阿媽嗰陣，佢第一句就話：「緊係唔得啦！你drop埋科BAFS，咁你咪得返一科elective？咁你考完DSE之後點入大學？唔比drop！」
結果其實我宜家都係同一個普通嘅form5學生冇分別——一樣要做SBA、煩IES、準備DSE。
——————————
我叫周紫希，我在香港的XX中學讀書，在我印象裡應該是Band1比較後的英文中學。在香港讀書，最主要還是要在DSE考到5**，然後考進大學，有了大學畢業的程度就可以容易點找工作。所以我學校裡的大部分老師，不管是中文、英文、數學、通識，還是phy chem bio，或是history geog econ，總之就是希望我們可以全部科目都考到4或以上。
我今年在讀中五，上一年考全級100名以外……不是，應該是說由中三開始，全級一百三十多人，我再也沒有考進全級100名以內了。基本上每次考試時，我只有2科是合格和相對比較高分一點而已——那2科就是電腦和英文，其他科都是在1分至49分之間徘徊着，反正就是不合格。
在上年的中四學年最後，3科選修科裡面我退修了中史，剩下電腦和會計。中五學期開始的時候，聽到同學說可以取退修科目的表格，然後試試看可不可以退修兩科，只剩一科這樣。
那天我放學之後，去了校務處取表格，打算回到家裡直接給媽媽簽名，回學校再說服會計老師應該都不難吧……
-
「媽媽，我想多退修那科會計，可不可以？反正我也學不明白。」我回到家以後，食了飯就開口問媽媽。
「也不是不可以的，不過你要好好讀完其他的科目啊。」她說完之後就在parent signature那一條橫線上簽了名，給回我那張表格填其他未填的資料。
第二天很順利地得到了會計老師的簽名，同意我退修她的科目，接着在限期前交到負責老師的手上，也很快地收到通知說是成功退修會計。
之後我在不用上課的時候，我會拿一本簿子去寫寫同人文、畫畫想要自己造的cos服的版型或是配件。
很快就到了中六的DSE，結果還是不太可以，中文和數學不用猜都知道肯定是不合格的啦。通識好像也比自己想像中差了點，結果還是只有電腦和英文的成績可以示人。
考完了DSE之後，隨便找了一間便利店當全職店員。
雖然之後的生活比較窮，也比較辛苦，可是最起碼可以賺到足夠的錢，買到想cos的衣服、買到需要的布料、買到喜愛的精品……
-
可惜現實並不是這樣，我當晚問媽媽的時候，她第一句就說：「當然不行啦！你退修了會計，那不是只剩下一科選修科？那你考完DSE之後要怎樣升讀大學？不許退修！」
結果其實我現在還是跟一個普通的中五學生沒分別——還是要做SBA、為IES煩惱、準備DSE。
留言列表
個人 (5)
